„მოსწავლეობის და სტუდენტობის პერიოდში მიყვარდა ხატვა, ძერწვა, ხელსაქმე. შემდეგ, კოლაჟებმა გამიტაცა. მოგვიანებით, – თექამ. მატყლისგან ვქმნიდი სამოსს, სხვადასხვა აქსესუარებს, ვმუშაობდი ფერწერაზე. თოჯინების გამოფენის დათვალიერების შემდეგ, რბილი თოჯინებითაც დავინტერესდი, რამაც ჩემი შემოქმედება უფრო საინტერესო და სასიამოვნო გახადა. შეიძლება ითქვას, თოჯინები ჩემი სულის ანარეკლია. მათ უამრავი პოზიტივი, სითბო და სიყვარული მოაქვს ხელოვნების მოყვარულთათვის და მეც მავსებენ უზომო ბედნიერებით.“