“ვცხოვრობ და ვმუშაობ თბილისში, საქართველოში. ხატვის გარდა მაინტერესებს სხვადასხვა მედიუმი, როგორებიცაა: ინსტალაცია, ფოტო და ვიდეო არტი. მიმუშავია ბევრი მასალით: საქსოვი ძაფი, თიხა, პლასტელინი, სანთელი, რკინის ბადე, სხვადასხვა ტიპის ნაჭერი. ჩემთვის, მუშაობის პროცესში ყველაზე მნიშვნელოვანია განსხვავებული მასალის ერთმანეთთან ჰარმონიაში მოყვანა. ბოლო დროს, უმეტესად, ვქარგავ და ვქსოვ. ჩემი ნამუშევრები ძირითადად პრაქტიკულ და სოციალურ კვლევებს ეყრდნობა, მათი ფორმა და ვიზუალური ენა გარემოზე დაკვირვების შედეგად ვითარდება.”