თანამედროვე ქართულ ხელოვნებაში მხატვარი ნინო ნიჟარაძე ცნობილია, როგორც საკუთარი მანერის მქონე, მრავალმხრივი შემოქმედი. ის ინტენსიურად მუშაობს ფერწერაში, გრაფიკაში, თეატრალურ–დეკორაციულ მხატვრობაში.

მხატვრის შემოქმედებაში მნიშვნელოვანი ადგილი ეთმობა თეატრალური სამყაროს ასახვას. ხელოვანის მდიდარი წარმოსახვა მჟღავნდება მრავალრიცხოვან აპლიკაციებში, კოლაჟებში, ესკიზებში, მოცულობით ობიექტებში; მიმზიდველია მის მიერ შესრულებული თოჯინები, ელეგანტური მანეკენები, თეატრალური ყოფის სხვა აქსესუარი.