“მე ვარ ლინდა, სამართალმცოდნე, აქტივისტი, ქალთა უფლებამდამცველი, ახლა უკვე ციფრული მარკეტერი და მოყვარული ფოტოგრაფი. ფოტოგრაფია ჩემთვის თერაპიაა, რომელიც მეხმარება თვით-გამოხატვაში.
ფოტოებს ადრეული ასაკიდან ვიღებ. 12 წლის ვიყავი დაბალბიუჯეტიანი ფირის კამერა რომ ვიყიდე და ვაჩხაკუნებდი. 4 წლის შემდეგ კი, როცა ციფრული კამერები გახდა აქტუალური, მეც მინდოდა, ჩემი გადაღებული ფოტო იქვე, ოპერატიულად ეკრანზე მენახა. ციფრული კამერის ყიდვა მხოლოდ 2015 წელს შევძელი. სონი ალფა 58 იყო ჩემი პირველი ციფრული კამერა, რომელიც ერთგულად მემეგობრა 2022 წლამდე. ახლაც სონი მაქვს, მაგრამ ალფა 200 და მასზე ძვირფასი არავინ მყავს.

ადამიანებიდან ჩემი ინტერესის სფეროს ქალები წარმოადგენს. ძლიერი, მებრძოლი და საკუთარ თემში ცვლილებების გამომწვევი ქალები.”