„მხატვრის შემოქმედება მწერლისას ჰგავს. ნებისმიერი ნაწარმოები ავტორის ინდივიდუალიზმთან ერთად მსოფლმხედველობის, ცხოვრებისეული გამოცდილების, გარესამყაროს სიღრმისეული წვდომა-გაგების, განსხვავეული გემოვნების ნაზავია. გობელენის, ბატიკის, ფარდაგის ესკიზზე მუშაობა და შემდეგ მისი შესრულება დიდი სიამოვნებაა. ტექსტილი იდუმალთან, წარსულთან მიახლოების განცდასაც ბადებს. ისევე, როგორც ადამიანი, საგანიც ბევრს ჰყვება თავის თავზე. ალბათ ამიტომ, ჩემი ნამუშევრებიც მრავალი წახნაგისგან აწყობილი ერთ მთლიანობას ჰგავს.“