„სწავლის პერიოდში გატაცებული ვიყავი ქანდაკებით, მხატვრული კერამიკით, დეკორატიული ხელოვნებით, თუმცა, საბოლოო არჩევანი ფერწერაზე გავაკეთე. აკვარელში, ზეთსა და აკრილში შესრულებული სხავადასხვა ჟანრის ნამუშევრები ჩემი ცხოვრების ყველა ეტაპზე მაძლევდა საშუალებას გამომეხატა ჩემი ემოციები და დამოკიდებულება სამყაროსთან. თავისუფალი წერის მანერა, ფართო მონასმი და მაჟორული ტონები ჩემი შინაგანი სამყაროს გამოხატულებაა. ვფიქრობ, რომ მრავალწლიანმა პროფესიულმა გამოცდილებამ და ბავშვებთან ურთიერთობამ განაპირობა ჩემი მხატვრული ხედვის თავისებურებები.“