„ხელნაკეთი ნივთების დამზადება ჩემი ჰობი იყო, – ჯერ თექის გაკეთება ვისწავლე, შემდეგ კი მინანქარი. ახლა ხელნაკეთი ნივთების დამზადება ჩემი ძირითადი საქმეა. ჩემი შთაგონების წყარო შეიძლება იყოს ბუნება, ქუჩაში შემხვედრი ადამიანების სამოსი, მითები და ტრადიციები. აქტიურად ვმონაწილეობ გამოფენებსა და ფესტივალებში, როგორც საქართველოში, ასევე უცხოეთში. ვარ ქართული ტრადიციული ხელოსნობის ასოციაციისა და საქართველოს ფოლკლორის სახელმწიფო ცენტრის წევრი.“