„პროფესიონალი მხატვარი ვარ, თუმცა, სხვადასხვა გარემოების გამო, მრავალი წელი ფერწერაში თითქმის არ მიმუშავია. ჩემი ძირითადი საქმიანობა განათლების სფეროს მივუძღვენი. დროთა განმავლობაში, დიდი ცოდნა და გამოცდილება შევიძინე, რამაც საშუალება მომცა უფრო სიღრმისეულად და მრავალმხრივ გამეაზრებინა სახვითი ხელოვნების ენა, თვითგამოხატვის ამოუწურავი შესაძლებლობები. ხატვას ცოტა ხნის წინ დავუბრუნდი და ინტენსიურად ვმუშაობ. ვემზადები პერსონალური გამოფენისთვის.
ვფიქრობ, დიდი პაუზის შემდეგ, რაღაც ახლის, ძალიან საინტერესოსა და მნიშვნელოვანის წამოწყება, თუნდაც, ეს საკუთარ პროფესიასთან დაბრუნება იყოს, სხვებისთვისაც შეიძლება კარგი მაგალითი აღმოჩნდეს.“