„ხელოვნება ჩემი ცხოვრების განუყოფელი ნაწილია. ხატვა მეხმარება სტრესთან გამკლავებაში და ჩემი თავის უშიშრად გამოვლენაში. მუსიკა, ფილმები, ესთეტიკა, მხატვრობა – ეს ქმნის ჩემში ჰარმონიას და იმ ჯადოსნურ სამყაროს, რაც ჩემი პიროვნების უდიდესი ნაწილია. თითქმის ყოველდღე ვხატავ.

ვგეგმავდი გამოფენას, ჩემს მშობლიურ ლანჩხუთში, მაგრამ პანდემიის გამო გადაიდო. სწორედ ამიტომ გადავწყვიტე თქვენს პროექტში მონაწილეობა. ვფიქრობ, ეს კარგი გამოცდილება იქნება ჩემთვის, როგორც ახალგაზრდა მხატვარი ქალისთვის.

თან, ახალ ადამიანებს გავიცნობ, ახალ მხატვრებს, რაც ცხოვრებაში ნამდვილად წინ წამწევს და გამბედაობასა და მოტივაციას შემმატებს.“