„ჩემს ნახატებში დიდი როლი უჭირავს დეკორატიულ ხელოვნებას, მინიატურულ სტილს და ორნამენტებს. ამ სინთეზის სიყვარული გამოვხატე ჩემი მინანქრის სამკაულშიც. ძალიან მომწონს ფერებით თამაში და საბოლოო ნამუშევრის დიზაინი, რომელსაც ვაფორმებ ძვირფასი და ნახევრადძვირფასი ქვებით. ყველაზე საინტერესოა შემოქმედებითი პროცესის შედეგი. არასოდეს არ ვსვავ ჩემს თავს ჩარჩოში, არ ვიზღუდავ თავს, არ ვარ შემოფარგლული თავდაპირველი ჩანაფიქრით. პირიქით, პროცესში იბადება იდეები, ფერები და საბოლოო შედეგი ზოგჯერ სასიამოვნოდ გასაოცარია. ნამუშევარი ასე უფრო საუცხოო და შთამბეჭდავი გამოდის.“