„ლაქა, ანაბეჭდი, ბლიკი, ჩრდილი, ანარეკლი… სიზმრების განცდა, ზოგჯერ ბუნდოვანი ან მოულოდნელად მკაფიო, რეალური და ერთდროულად, მოჩვენებითი. როგორ იბადება ფორმა იდუმალი ბნელი სიღრმეებიდან, ჰკარგავს კონკრეტულ საზღვრებს და იჟღინთება უსასრულო სინათლეში? სად მთავრდება რეალობა და სად იწყება ილუზია?.. მაინტერესებს ადამიანი, მისი აღქმის და წარმოსახვის უნარი, მისი ემოციების და შეგრძნებების კავშირი სამყაროსთან… მაინტერესებს, როგორ აღიქვამს ის გამოსახულებას, შუქ-ჩრდილს, ფერსა და ფორმას. რა სიუჟეტს ხედავს ჩემს ნამუშევრებში, საკუთარი აღქმის უნარიდან ან განწყობიდან გამომდინარე… მე მივაგენი იმ ტექნიკურ საშუალებას და ფაქტურას, რომელიც ყველაზე მეტად გადმოსცემს სამყაროს ჩემებურ, სიზმრისეულ აღქმას. სამყაროს, სადაც ყველაფერი ლივლივებს, წამიერია, ღრუბლებივით ცვალებადი და განუმეორებელია, სადაც ერთი ფორმა მუდმივად მეორეში გარდაიქმნება.“