„ბავშვობიდან მიყვარდა ხატვა, სკოლის ასაკში გადახატვით დავიწყე. ყოველთვის მინდოდა, ჩემით მესწავლა და მიმეღწია უკეთესი შედეგისთვის. ვაკვირდებოდი (დღემდე ვაკვირდები) საგნებს, – როგორ ეცემა შუქჩრდილები, როგორ იცვლება მათი ფორმები, ზომები სხვადასხვა რაკურსით… შესაბამისად, ყოველ ახალ ნამუშევარში უკეთეს შედეგს ვიღებ. ვფიქრობ, ჯერ კიდევ ბევრი მაქვს სასწავლი… მინდა, დამოუკიდებლად, ჩემით გავაკეთო ახალი აღმოჩენები და ჩემით მივაღწიო შესაძლებლობების მაქსიმუმს. ხატვა საუკეთესო საშუალებაა ემოციებისა და გრძნობების გამოსახატავად.“