“ვხატავ, რომ ჩემი გრძნობები, სიხარული, შფოთვა და ცხოვრებისეული სიტუაციები გამოვხატო. ჩემთვის მხატვრობა დაკავშირებულია მომენტთან, დინებასთან, ყველაფრის გაშვებასთან რაც ჩემ გარშემოა და მეხმარება რომ ვიყო აწმყოში, რომ ვისიამოვნო და მოვახერხო ჩემი გრძნობების ფერადი გამოხატვა. ხატვის პროცესი არის ამ წუთით ტკბობა, ცხოვრებით ტკბობა და ენერგიის ტრანსფორმაცია ფერების საშუალებით, ისეთ სიღრმეებში ჩაღწევა, სადაც ერთდროულად დაუცველიც ვართ და ძლიერიც.”