„ღრმა ბავშვობიდან ხელოვნება ჩემი ყოველდღიურობის განუყოფელი ნაწილია. ფერებითა და ფორმებით თამაშმა დროთა განმავლობაში უფრო სერიოზული და აკადემიური სახე მიიღო. ხელოვნების გიმნაზიაში და მოგვიანებით უნივერსიტეტში სახვითი ხელოვნებისა და ხელოვნების ისტორიის მიმართულებით მიღებულმა ცოდნამ და ჩემი startup- ებისადმი ინტერესმა გამიჩინა მოტივაცია, საქართველოს ულამაზეს და ჯადოსნურ კუთხეში დამეარსებინა სახელოვნებო სივრცე, Art Racha, სადაც ბუნების სილამაზით შთაგონებულ სტუმრებს ექნებოდათ საშუალება დასწრებოდნენ ხატვის მასტერკლასებს და თავად შეექმნათ ნამუშევრები.“