„ჩემი ინტერესი ხელოვნებისადმი ღრმა ბავშვობიდან გაღვივდა. ეს ხატვის პირველი პედაგოგის დამსახურებაა. დიზაინერობაზე ვოცნებობდი და გონებაში წამითაც არ გამივლია ის აზრი, რომ სხვა მიმართულებით შემეძლო გზის გაგრძელება. პროფესიული განვითარების მიზნით სწავლა უმაღლეს სასწავლებელში გავაგრძელე ხელოვნების მიმართულებით. ჩაბარებისთანავე მივხვდი, რომ შედარებით მწირი ცოდნა მქონდა და უამრავი საინტერესო რამ უნდა მესწავლა. დღეს, ბედნიერი ვარ ჩემი არჩევანით და თავი სხვა სფეროში ვერც კი წარმომიდგენია. მიუხედავად იმისა, რომ არ ვიცი, მომავალში რა თავგადასავლები მელის, ვთვლი, რომ ჩემი ეს ნაბიჯი მყარი და ურყევია.“