„შეყვარებული ვარ ყველანაირ ხელოვნებაზე, – მუსიკა, მხატვრობა, კინო, თეატრი, პროზა, პოეზია… ასევე, მიყვარს ფიქრი. ვცდილობ, ყველა თემაზე ვიფიქრო, ვიაზროვნო და მიმაჩნია, რომ ფიქრიც ერთგვარი ხელოვნებაა. ის რომ არა ალბათ, ხელოვნებაც არ იარსებებდა. ვცდილობ, რაც შეიძლება მეტი დრო დავუთმო კითხვას, ხატვას, წერასა და ყველაფერ იმას, რაც ჩემი თავის განვითარებასა და პოვნაში დამეხმარება. სრულყოფილი არ ვარ და არც მაქვს სურვილი რომ ვიყო, რადგან სრულყოფილება მიუწვდომელი რამაა. ვფიქრობ, ადამიანისთვის საკმარისია საკუთარი თავის განვითარების სურვილი ჰქონდეს, რადგან ამის გარეშე ის ერთ ადგილას გაიყინება, ხოლო ამაზე უარესი კი, ალბათ, არაფერია…“