„ფერწერა ჩემთვის თხრობაა, იმ იდუმალზე და მისტიურზე, რაც ჩვენს ყოველდღიურ ცხოვრებას თან ახლავს, მაგრამ დაკავებულობის გამო ყურადღებას არ ვაქცევთ, დროს არ ვუთმობთ… ხშირად, არც გვაინტერესებს (როგორც საკუთარი შეუცნობი მხარეები)…
ჩემს შემოქმედებაში დიდი ადგილი უკავია ლანდშაფტს და ურბანისტულ პეიზაჟს. ვცდილობ, გადმოვცე ადგილი, როგორც ასეთი. მაინტერესებს მისი ხასიათი და ისტორია. ამ სურათებში(ხშირად) ვერ დაინახავთ ადამიანებს, რადგან ვცდილობ, პირველ რიგში  სივრცის/საგნის ენერგია და მეტაფიზიკა გამოვხატო, ასევე, ჩემი შთაბეჭდილება და ემოცია. როცა ვხატავ რაიმე სივრცეს, ეს ყოველთვის განზომილებაა, სადაც არსებობს მხოლოდ ერთი.“