„მეოცნებე მხატვარი ვარ, იმიტომ, რომ ჩემი ნახატები იმ სამყაროს ნაწილია, რომელიც გამოვიგონე და მხოლოდ ჩემს წარმოსახვაში არსებობს. მიყვარს სიფერადე, მრავალფეროვანება, ზღაპრულობა. ხატვის პროცესი ძალიან სპონტანურად იწყება, წინასწარ არც მონახაზი მაქვს, არც ჩანახატი. ვიწყებ ეგრევე, ფუნჯის მონასმით, შემდეგ თავად პროცესი მკარნახობს რა და როგორ. ჩემთვის მნიშვნელოვანია განწყობა, რომელიც ნახატიდან მოდის, ის აუცილებლად დადებითი უნდა იყოს. მე დიდ სიყვარულსა და ემოციას ვდებ ყველა ჩემს ნამუშევარში და მჯერა, მნახველამდე ის აუცილებლად მივა…“